Në të ardhmen, Truss Link mund të përdoret për të ndihmuar në zhvillimin e teknologjive inovative që përfshijnë kërkimin detar deri te shërbimet e shpëtimit dhe jeta jashtëtokësore.
Ky robot nuk është mekanizmi i parë transformues i zbuluar për publikun, por mënyra se si transformohet është sigurisht e re – ai rritet dhe shërohet duke konsumuar robotë të tjerë.
Hulumtuesit nga Universiteti i Kolumbias në Shtetet e Bashkuara kanë zhvilluar një robot, të quajtur Truss Link, që mund të zbulojë dhe të bashkohet me copa të robotëve aty pranë për të plotësuar pjesët që mungojnë.
“Autonomia e vërtetë do të thotë që robotët jo vetëm që duhet të mendojnë vetë, por edhe të mbajnë veten fizikisht”, shkroi në një deklaratë Philippe Martin Wyder, autor kryesor dhe studiues në Columbia Engineering dhe Universitetin e Uashingtonit.
I bërë me shkopinj magnetikë, Truss Link mund të zgjerohet ose të transformohet nga një formë e sheshtë në një strukturë 3D për t’u përshtatur me mjedisin.
Ai gjithashtu mund të shtojë copa të reja nga robotë të tjerë ose të hedhë pjesë të vjetra që nuk janë më funksionale për të rritur performancën e tij.
Në një video të postuar nga ekipi, roboti bashkohet me një copë aty pranë dhe e përdor atë si bastun për të rritur shpejtësinë e tij me më shumë se 50 përqind.
“I jep këmbë IA-së”
Hulumtuesit e quajtën procesin në të cilin roboti vetëmonton pjesë të robotëve të tjerë “metabolizëm robotik”. Ai përshkruhet si një organizëm biologjik natyror që shpesh mund të thithë dhe integrojë burime.
Robotë si Truss Link mund të “ofrojnë një ndërfaqe dixhitale për botën fizike dhe t’i japin këmbë IA-së”, sipas një videoje të prodhuar nga Shkolla e Inxhinierisë Columbia.
Të integruar me IA-në, ata kanë potencial të madh, besojnë ekspertët.
“Metabolizmi i robotit ofron një ndërfaqe dixhitale për botën fizike dhe i lejon IA-së jo vetëm të përparojë në mënyrë njohëse, por edhe fizikisht – duke krijuar një dimension krejtësisht të ri të autonomisë”, tha Wyder.
Truss Link, në të ardhmen, mund të përdoret për të ndihmuar në zhvillimin e teknologjive inovative që përfshijnë nga kërkimet detare te shërbimet e shpëtimit dhe jeta jashtëtokësore.
Lexo edhe: Walmart prezanton “super agjentët” me AI për të përmirësuar përvojën e blerjes online
“Në fund të fundit, kjo hap potencialin për një botë ku IA mund të ndërtojë struktura fizike ose robotë ashtu siç shkruan ose rirregullon fjalët në email-in tuaj sot”, tha Wyder.
Programimi i robotëve ka qenë një sfidë për inxhinierët; megjithatë, inteligjenca artificiale po çon përpara zhvillimet në robotikë.
“Tani kemi teknologjinë [IA] për t’i bërë robotët vërtet të programueshëm në një mënyrë të përgjithshme dhe për ta bërë atë në mënyrë që njerëzit normalë të mund t’i programojnë ata, jo vetëm inxhinierë specifikë të programimit të robotëve”, tha për Euronews Next në maj Rev Lebaredian, nënkryetar i Omniverse dhe teknologjisë së simulimit në Nvidia.
