New Uzbekistan University në Tashkent po kthehet me shpejtësi në qendrën kryesore të inteligjencës artificiale, inovacionit dhe bashkëpunimit global, duke udhëhequr transformimin teknologjik të vendit. Projekti i ri për krijimin e një klasteri të inteligjencës artificiale, pjesë e strategjisë “Digital Uzbekistan 2030”, synon të ndërtojë një ekosistem modern që bashkon arsimin, shkencën dhe biznesin — dhe në qendër të tij qëndron ky universitet i ri, por tepër ambicioz.
I hapur në vitin 2021, New Uzbekistan University është zgjedhur si institucioni lider për këtë projekt për shkak të fokusit të tij në shkencë, inxhinieri dhe partneritete të forta ndërkombëtare. Sot, më shumë se 1,700 studentë studiojnë në programe bachelor dhe master, ndërsa mbi gjysma e stafit akademik vjen nga universitetet më të mira të botës. Autonomia e institucionit, e rrallë në sistemin arsimor uzbek, i lejon të krijojë kurrikula inovative dhe bashkëpunime të lira me partnerë globalë. Në laboratorët modernë, ku studentët përdorin pajisje të Apple, përfshirë “iMac” që janë bërë simbol i universitetit, po formohet gjenerata e re e talenteve të teknologjisë.
Por inovacioni nuk ndalet në auditorë. Studentët këtu inkurajohen të ndërtojnë startup-e dhe projekte kërkimore që marrin mbështetje nga mentorë, investitorë dhe kompani teknologjike. Nga platforma e Lobar Ashurovës që lidh studentët e IT me kompani të teknologjisë, deri te projekti i Otabek Atabayev për pastrimin e ujit me biopolimere, universiteti po prodhon zgjidhje reale që arrijnë edhe garat ndërkombëtare. Edhe trashëgimia shkencore e Uzbekistanit është kthyer në frymëzim: studentja Gulasal Salimova po punon për ta lidhur historinë e dijetarëve si Al-Khwarizmi me edukimin modern në STEM.
Universiteti ka krijuar një rrjet të fuqishëm partneritetesh globale me institucione si MIT, Universiteti Teknik i Mynihut, Cambridge dhe Khalifa University. Po ashtu, gjigantët e teknologjisë si Apple, Huawei dhe Yandex kanë hapur qendra trajnimi brenda kampusit. Apple Authorized Training Center for Education është ndër më të kërkuarit, pasi lejon studentët të marrin certifikime ndërkombëtare dhe të hyjnë drejtpërdrejt në tregun global të punës. Sipas Sevara Aliyevës, asistente pedagoge, “vetëm pas tre muajsh kurs në Swift, studentët tanë janë gati të punojnë si zhvillues të rinj iOS”.
Lexo edhe: Mjekët zhvillojnë një mjet të ri IA që mund të ulë me 60% rastet e transplantimeve të dështuara
Për shumë studentë, këto programe janë shndërruar në trampolinë drejt karrierave të ëndrrave. Sevinch Mavlonova, një prej diplomanteve, e quan eksperiencën të paharrueshme: “Falë certifikimit të Apple, ndërtova aplikacionin tim të parë dhe sigurova menjëherë një praktikë pune. Ajo më dha vetëbesim të krijoj ide të reja — dhe madje fitova një konkurs teknologjik për vajzat e gjeneratës digjitale.”
New Uzbekistan University po dëshmon se një kulturë moderne inovacioni mund të ndërtohet shpejt, kur tek studentët investohet me vizion, teknologji të avancuar dhe standarde ndërkombëtare. Dhe ndërsa ata programojnë, dizajnojnë dhe ndërtrojnë, “iMacMjekët zhvillojnë një mjet të ri IA që mund të ulë me 60% rastet e transplantimeve të dështuara”-ët nëpër laboratorë janë vetëm simboli i parë i një të ardhmeje teknologjike që tashmë ka nisur./Euronews
